Downloads

Wallpapers

Vikrantakarnataka Weekly

Monday, 28 July 2008 10:36 PM

ಕನವರಿಕೆಯೊಳು ಕಂಡೆ ಕಳವಳವ..!!

ಯುವಪ್ರೇಮಿ,
ಬೆಂಗಳೂರು.

erandra@gmail.com

ತೆರೆಯ ಮೇಲೆ ಮೊರೆಯ ಕಂಡೆ..
ಮರ್ದನಿಯೊಳು ಮಿಡಿವ ಒಲುಮೆ ಕಂಡೆ..
ಅಗಲಿಕೆಯೊಳೊಮ್ಮೆ ಮಿಲನ ಕಂಡೆ..
ಘರ್ಷಣೆಯಲ್ಲೂ ಕೂಡ ಪ್ರೀತಿ ಕಂಡೆ..!!

ಕಂಡೆ ನಾ ಅದ್ಭುತವ...
ನನ್ನ ಅಂತರಂಗದ ಕಂಗಳಿಂದ...!!

ಬವಣೆಯಲೊಮ್ಮೆ ಭಾವನೆಯ ಕಂಡೆ...!!
ಕುರೂಪದಲೊಮ್ಮೆ ನಿರ್ಮಲತೆಯ ಕಂಡೆ..
ತೇಲುವ ತೆರೆಯೊಳು ತೊಳಲಾಟವ ಕಂಡೆ..
ಬೇಯುವ ಬೇಗೆಯಲೊಮ್ಮೆ ಬಂಧನವ ಕಂಡೆ...!!

ನೂಕಾಟದ ನಾಕದೊಳು ಕಂಡೆನಾ...
ಒಡಲುಗಳ ಒಡನಾಟದ ನಡಿಗೆಯನು...!!

ಸಹಜತೆಯೊಲೊಮ್ಮೆ ಆಡಂಬರವ ಕಂಡೆ...
ಅನೇಕತೆಯಲೊಮ್ಮೆ ಏಕತೆಯನು ಕಂಡೆ..
ನೀಲತೆಯೊಳೊಮ್ಮೆ ಕರಾಳತೆಯನು ಕಂಡೆ...!!
ಅಲೆದಾಟದಲೊಮ್ಮೆ ಸೆಳೆದಾಟವ ಕಂಡೆ..

ಸವೆದೆ ನಾ ಸ್ಪರ್ಶವ...
ಸಿಡಿಯುವ ಸೌಮ್ಯ ಸಂಘರ್ಷದೊಳು..!!

ಅಪರೂಪದ ಹಸಿ ರೂಪವ ಕಂಡೆ ..
ಮನದಿ ಮೊಳೆಯುವ ಪಿಸುಮಾತಿನಲ್ಲಿ...
ಕಂಬನಿಯಲೊಮ್ಮೆ ಕಿರಿಗನಸ ಕಂಡೆ...
ಅಃ ನಲ್ಲೂ ಕಂಡೆ ನಾ ಅರಳುವ ಅಂದವ...!!

ಕಂಡೆ ನಾ ಸಂಪ್ರೀತಿಯ...
ಸುಳಿದಾಡುವ ಸುಡು ಸಿಡಿಲೊಳು....!!

ಇನ್ನಷ್ಟು

Print this page

Email this Page

ಮುಖಪುಟ