Downloads

Wallpapers

Vikrantakarnataka Weekly

Friday, 16 March 2007 02:21 AM

 ಜೀವದ ಜೀವ

ರವಿ ಪೂಜಾರಿ

ಅರಳುತಿಹ ತಾರುಣ್ಯದ ಮುನ್ನ ಹದಿಹರೆಯದಂಚಿನಲಿ
ಸೊರಗಿದ ಮರ ಹಸಿ ಚಿಗುರೊಡೆದ ವಸಂತ ಋತುವಿನಲಿ
ಪ್ರೀತಿಯ ಹೊಸ ಛಾಯೆ ಕರೆದಿತ್ತು ಕೈಬೀಸಿ ನಲಿಯುತಲಿ
ಆದರಿಸಿ ಆಲಂಗಿಸಿದೆ ಪ್ರೀತಿ ದೇವತೆಯ ನಗು ನಗುತಲಿ

ಹರುಷದಿಂ ಕಣ್ತುಂಬಿ ನಲಿದ ಹಂತವದು ಪ್ರಾಥಮಿಕ
ಬಹುದೂರ ನಡೆದಂತೆ ಮರೆತಿತ್ತು ಮನ ಪ್ರಾಪಂಚಿಕ
ಹಿರಿಹಿಗ್ಗಿ ಕುಣಿದೆ ತಾನೆಂದರಿತಾಗ ಮಾನಿನಿಯ ಪೂರ್ವಿಕ
ಈಶ್ವರನೊಬ್ಬನೇ ಬಲ್ಲ ಭಾವನೆಯ ಈ ಪರಿಯ ಪುಳಕ

ಶ್ಯಾಲ್ಮಲದಂತೆ ಹಬ್ಬಿದಳೆನ್ನಾಕೆ ನರನಾಡಿಗಳಾದಿ ಉಸಿರೊಳಗೆ
ಬಾಳ ಶಿರೋನಾಮೆ ಬಂಗಾರಿಯ ಅಗಲಿರದಾದೆ ಅರೆಗಳಿಗೆ
ನೈಜ ಪ್ರೀತಿಯ ಮಾಯೆ ತಂದಿತ್ತು ಬಹುಜನ್ಮದ ಬೆಸುಗೆ
ಕಣ್ರೆಪ್ಪೆಯಂಚಿನಲೆ ದಿನ ಕಳೆದಿತ್ತು ಚತುರ್ ಬೇಸಿಗೆ

ಕನಸಿನಲು ಸಹಿಸದಾದಳೆನ್ನಾಕೆ ನನಗೊದಗೊ ಎಳ್ಳಸ್ಟು ನೋವ
ಮುಗ್ಧತೆಗೆ ಮನಸೋತು ನೀಡಲಣಿಯಾದೆ ಜೀವಕ್ಕೆ ಜೀವ
ಸಾಗದೆನ್ನ ಮನ ಅರೆಕ್ಷಣವು ನೆನೆಯದೆ ಬಂಗಾರಿಯ ಮೊಗವ
ಕಲಿತ ಪಾಠಕೆ ಪಡೆದ ಪ್ರೀತಿಗೆ ಕಡಿಮೆಯೇ ನೀಡಿದರು ನನ್ನೇಳು ಜನ್ಮವ.
 

ನಿಮ್ಮ ಅನಿಸಿಕೆಗಳನ್ನು ನಮಗೆ ಬರೆಯಿರಿ

ಇನ್ನಷ್ಟು

Print this page

Email this Page

ಮುಖಪುಟ