Limerick by Poornima Subramanya

Fonts Problem?

Downloads

Wallpapers

Vikrantakarnataka Weekly

Monday, 28 July 2008 10:36 PM

ಸಂಕ್ರಾಂತಿ ಮತ್ತು ರಾಜಕಾರಣಿ

ಪೂರ್ಣಿಮ ಸುಬ್ರಹ್ಮಣ್ಯ
ವರ್ಜೀನಿಯಾ, ಯು ಎಸ್ ಎ
poornimakh@hotmail.com

ಸಂಕ್ರಾಂತಿ ತರಲಿ someಕ್ರಾಂತಿ
ಅನ್ನೋದೆಲ್ಲಾ ಹಳೇ ಮಾತ್ರೀ.
ಇರೋದಿಲ್ಲ ಶಾಂತಿ,
ಆಗೋದಿಲ್ಲ ಕ್ರಾಂತಿ,
ಎಲ್ಲಾ ಬರೀ ಭ್ರಾಂತಿ
ಇದ್ರೆ ಇಂಥಾ ಮಂತ್ರಿ.

ಚುನಾವಣೆ ಬಂತಾ ನೋಡಿ,
ಬೆಲ್ಲದಂಥ ಮಾತು.
ಗೆದ್ದು ಮಂತ್ರಿ ಆದಮೇಲೆ
ಬಿಡ್ತಾನೆ ಎಳ್ಳು ನೀರು.

ಮತದಾರ ಅಂದ್ರೆ ಅವನಿಗೆ
ರಸ ತುಂಬಿದ ಕಬ್ಬು.
ಮತ ಸಿಕ್ಕರೆ ಮುಗಿಯಿತು,
ತಿಪ್ಪೆ ಸೇರಿದ ಸಿಪ್ಪೆ.

ಆಸೆ ಆಮಿಷ ತೋರಿ
ಮಾತಲ್ಲಿ ಮಂಟಪ ಕಟ್ಟಿ
ಯಾಮಾರಿಸೋ ವಿದ್ಯೆ, ಇವನಿಗೆ
ಸುಲಿದ ಬಾಳೆಯ ಹಣ್ಣು.

ಓಟು ಕೇಳೋ ಸಮಯದಲ್ಲಿ
ಸಕ್ಕರೆಯಾ ಸವಿಗಾರ,
ಮದ್ಯದಾ ರುಚಿಗಾರ,
ಸಮಾಜ ಸೇವಕನ ಅವತಾರ.
ಆಮೇಲೆ, meet ಮಾಡಕ್ಕೆ ಹೋದರೆ
ಕೇಳುವನು ಇವನ್ನ್ಯಾರ??