ಬದಲಾವಣೆ

ವಾಣಿಶ್ರೀಮಹೇಶ್, ತೀರ್ಥಹಳ್ಳಿ
vanisrimahesh@yahoo.com

ಹಾತೊರೆಯುತ್ತಿದೆ ಜಗ ಬದಲಾವಣೆ ಬಯಸಿ
ಕ್ಷಣಕ್ಷಣವೂ ಹೊಸಹೊಸದನ್ನು ಅರಸಿ

ಪ್ರತಿದಿನವೂ ಒಂದೆ ಅಡಿಗೆ ರುಚಿಸುವುದಿಲ್ಲ
ಒಂದೇ ತರದ ಕತೆ-ಕವನಗಳಲ್ಲಿ ಯಾವುದೇ ತಿರುವಿಲ್ಲ
ಮಾಧ್ಯಮಗಳಲ್ಲೂ ಅದೇ ಬೇವು ಬೆಲ್ಲ
ಇದನ್ನೆಲ್ಲ ಪ್ರತಿನಿತ್ಯ ಮನವೊಪ್ಪುವುದಿಲ್ಲ

ಸರ್ಕಾರದ ನೀತಿ ನಿಯಮಗಳೂ ಸ್ಥಿರವಲ್ಲ
ಯಾವ ರಂಗವೂ ಇದರಿಂದ ಹೊರತಾಗಿಲ್ಲ
ಅಭಿವೃದ್ದಿ ಮಾಡ ಹೊರಟವರ ಕಾಲೆಳೆಯುವರೇ ಎಲ್ಲ
ಇದರಿಯದ ಜನರ ಪರಿಪಾಡು ಬಲ್ಲವನೆ ಬಲ್ಲ

ಕಲಿಯಲು ಕೊನೆಯೆಂಬುದಿಲ್ಲ ಈ ಜಗದಲ್ಲಿ
ಬದಲಾಗುತ್ತಿರುವ ಕಾಲಮಾನದಲ್ಲಿ
ಹೊಸತೇನಾದರೂ ಸಾಧಿಸಬೇಕೆಂಬ ಛಲದಲ್ಲಿ
ಅತ್ಯುತ್ಸಾಹದಿ ಮುನ್ನಡೆಯುವಾಗ ಎಡುವದಿರು ನೀ ಬಾಳಲ್ಲಿ

ನಿಂತಕಡೆ ಕೆಲಸ ಮಾಡಲು ಮನಸಿಲ್ಲ ದುಡಿದಷ್ಟೂ ಸಾಲದಲ್ಲ
ಮಾಡದಿರೆ ಪೈಪೋಟಿಯ ಜಗತ್ತಲ್ಲಿ ಭವಿಷ್ಯವಿಲ್ಲ
ಅಲೆದಾಡಿ ವಿವಿಧ ದೇಶ ಬಾಷೆ ಜೀವನ ಶೈಲಿಯಲ್ಲಿ
ಬಾಳುವೆವು ತಾಯಿ-ತಾಯ್ನಾಡು-ತಾಯ್ನುಡಿಯ ನೆನಪಿನಲ್ಲಿ

ಇನ್ನಷ್ಟು