ವಿಷ್ಣು `ಸಿರಿವಂತ'ನ ರೂಪದಲ್ಲಿ ತೆರೆಗೆ

ಬೆಂಗಳೂರು : ಅದ್ಭುತ ಎಂದು ಈಗಾಗಲೇ ಮಾಜಿ ಪ್ರಧಾನಿ ದೇವೇಗೌಡ, ಮುಖ್ಯಮಂತ್ರಿಗಳಾದ ಹೆಚ್.ಡಿ. ಕುಮಾರಸ್ವಾಮಿ ಅವರಿಂದಲೇ ಅಲ್ಲದೆ ಚಿತ್ರೋದ್ಯಮದ ಹಲವಾರು ಗಣ್ಯರು ಸಂತಸ ಪಟ್ಟಿರುವ ಸಿರಿವಂತ ಈ ವಾರ ಕರ್ನಾಟಕದಾದ್ಯಂತ ತೆರೆ ಕಾಣಲಿದೆ. ಮನೆಮಂದಿಯೆಲ್ಲಾ ಉತ್ಸುಕರಾಗಿ ಕಾಯುತ್ತಿರುವ ಈ ಸಿರಿವಂತ ಡಾ. ವಿಷ್ಣುವರ್ಧನ್ ಅವರ ಹೃದಯಂಗಮ ಅಭಿನಯದ ಮತ್ತೊಂದು ಮೈಲಿಗಲ್ಲಾಗಲಿದೆ ಎಂದು ವರ್ಣಿಸಲಾಗುತ್ತಿದೆ.

ಈ ಸಾಂಸರಿಕ ಚಿತ್ರದಲ್ಲಿ ಹೆತ್ತವರು ಹಾಗೂ ಜನ್ಮ ಪಡೆದಿರುವ ಮಕ್ಕಳ ಸುತ್ತ ರಚಿಸಿರುವ ಕಥೆಯಿದೆ. ರಾಕಲೈನ್ ವೆಂಕಟೇಶ್ ನಿರ್ಮಾಣ ಈ ಚಿತ್ರದ ಮೂಲಕ ವಿಷ್ಣು, ಶ್ರುತಿ ಹಾಗೂ ಖ್ಯಾತ ನಿರ್ದೇಶಕ ಎಸ್. ನಾರಾಯಣ್ ಅವರು ವೀರಪ್ಪನಾಯಕ ಚಿತ್ರದ ನಂತರ ಜೊತೆಯಾಗಿದ್ದಾರೆ. ಈ ಚಿತ್ರದ ಇನ್ನಿತರ ತಾರಾಬಳಗದಲ್ಲಿ ಕೆ.ಎಸ್. ಅಶ್ವಥ್, ದೊಡ್ಡಣ್ಣ, ಸುಂದರ್ ರಾಜ್, ಅವಿನಾಶ್, ಶಿವರಾಂ, ಶ್ರೀನಾಥ್, ಭಾವನ, ಅಕ್ಷಯ್ ಮುಂತಾದವರು ಇದ್ದಾರೆ. ನಗರದ ಕಪಾಲಿ, ಪ್ರಸನ್ನ, ನವರಂಗ್ ಮತ್ತಿತ್ತರ ಚಿತ್ರಮಂದಿರದಲ್ಲಿ ಪ್ರದರ್ಶನ ಕಾಣಲಿದೆ.