Downloads

Wallpapers

Vikrantakarnataka Weekly

Thursday, 12 October 2006 06:49 PM

ಸಾಂಗ್ಲಿಯಾನ ಈಗ ಹೊಸ ಅವತಾರದಲ್ಲಿ

ಬೆಂಗಳೂರು: ಸಂಸದ ಹಾಗೂ ಮಾಜಿ ಹೆಚ್.ಟಿ. ಸಾಂಗ್ಲಿಯಾನ ಈಗ ಹೊಸ ಅವತಾರದಲ್ಲಿ ಜನರ ಮುಂದೆ ಕಾಣಿಸಲಿದ್ದಾರೆ.

`ಸಂತ' ಎಂಬ ಹೆಸರಿನ ಕನ್ನಡ ಚಲನಚಿತ್ರದಲ್ಲಿ ನಟಿಸುವುದಾಗಿ ಸಹಿ ಮಾಡಿದ್ದಾರೆ. ತಮ್ಮ ಹೆಸರಿನ ಪಾತ್ರದಲ್ಲೇ ಬೆಂಗಳೂರು ನಗರ ಪೊಲೀಸ್ ಆಯುಕ್ತರ ವೇಷ ಧರಿಸಲಿದ್ದಾರೆ.

ಹ್ಯಾಟ್ರಿಕ್ ಹೀರೋ ಶಿವರಾಜ್ ಕುಮಾರ್ ನಾಯಕರಾಗಿರುವ ಈ ಚಿತ್ರದಲ್ಲಿ ನಾಯಕಿಯರಾಗಿ ಆರತಿ ಛಾಬ್ರಿಯಾ ಹಾಗೂ ಶ್ರೀದೇವಿಕಾ ನಟಿಸಿದ್ದಾರೆ. ಸಂತೋಷ್ ಎಂಬ ರೌಡಿ ತನ್ನ ರೌಡಿ ಜೀವನವನ್ನು ಸಮಾಪ್ತಿಗೊಳಿಸಿ ಕಡೆಗೆ ಪೊಲೀಸ್ ಆಯುಕ್ತರ ಮುಂದೆ ಶರಣಾಗುವ ಕಥೆಯನ್ನು `ಸಂತ' ಚಿತ್ರ ಹೊಂದಿದೆ.

`ಈವರೆಗೂ ನನ್ನ ಬಗ್ಗೆ ಚಿತ್ರವನ್ನು ನಿರ್ಮಿಸುತ್ತಿದ್ದರು ಈಗ ನಾನೇ ಚಿತ್ರದಲ್ಲಿ ನಟಿಸುತ್ತಿರುವುದು ಖುಷಿಕೊಟ್ಟಿದೆ. ಆಯುಕ್ತರ ಪಾತ್ರ ನನಗೆ ಸಹಜವಾಗಿ ಅಭಿನಯಿಸಲು ಅನುಕೂಲವಾಗಿದೆ' ಎಂದು ಸಾಂಗ್ಲಿಯಾನ ಹೇಳಿದ್ದಾರೆ.

`ಸಂತ' ಚಿತ್ರ ಮುಂದಿನ ವರ್ಷದ ಜನವರಿ ಮೊದಲ ವಾರ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಸಾಂಗ್ಲಿಯಾನ ಅವರ ಕಾರ್ಯವೈಖರಿಯ ಮೇಲೆ ಶಂಕರ್ ನಾಗ್ ಅಭಿನಯದಲ್ಲಿ ಎರಡು ಹಾಗೂ ನಂತರ ದೇವರಾಜ್ ಅಭಿನಯದಲ್ಲಿ ಒಂದು ಚಿತ್ರ ನಿರ್ಮಾಣವಾಗಿ ಯಶಸ್ವಿಯಾಗಿತ್ತು.

ಇನ್ನಷ್ಟು

ಆಲಮಟ್ಟಿಯಲ್ಲಿ ವಿಮಾನ ನಿಲ್ದಾಣ: ಸರ್ಕಾರದ ಚಿಂತನೆ

Print this page

Email this Page

ಮುಖಪುಟ