ಸಚಿನ್ ಮತ್ತು ಲಾರಾ ಇಬ್ರೂ ಕ್ರಿಕೆಟ್ ಬಿಟ್ಟು ಸಿನಿಮಾ ಮಾಡ್ತಿದ್ದಾರಂತೆ. ನಿಜನಾ ? ಎಲ್ರೂ ಹಾಗೇ ಅಂದುಕೊಂಡಿದ್ದರು. ನಿರ್ಮಾಪಕ ವಿವೇಕ್ ವಾಸ್ವಾನಿ ಅವರ `ದುಲ್ಹೆ ಮಿಲ್ ಗಯಾ' ಚಿತ್ರದ ದೃಶ್ಯವೊಂದರಲ್ಲಿ ಇಬ್ಬರೂ ಕ್ರಿಕೆಟಿಗರು ಹೀಗೆ ಬಂದು ಹಾಗೆ ಹೋಗಲಿದ್ದಾರೆ.

ಸುಮಾರು ೧೨ ಕೋಟಿ ವೆಚ್ಚದಲ್ಲಿ ನಿರ್ಮಾಣಗೊಳ್ಳುತ್ತಿರುವ ಈ ಚಿತ್ರದ ಮೈನ್ ಐಟಂ ಮಾಜಿ ವಿಶ್ವಸುಂದರಿ ಸುಶ್ಮಿತಾ ಸೇನ್. ಈಕೆಯ ಒಂದು ಸಿಂಪಲ್ ಲುಕ್‌ಗೆ ಇಬ್ಬರೂ ಬೋಲ್ಡ್ ಆಗಬಹುದು ಅಂತೀರಾ ? ಹಾಗೇನಿಲ್ಲಾ ಇದೆಲ್ಲಾ ವಾಸ್ವಾನಿಯ ಪಬ್ಲಿಸಿಟಿ ಗಿಮಿಕ್.

ಈವರೆಗೆ ವಿನೋದ್ ಕಾಂಬ್ಳಿ, ಅಜಯ್ ಜಡೇಜಾ ಎಲ್ಲ ಬಾಲಿವುಡ್ ಸೇರಿ ಮುಗ್ಗರಿಸಿ ಬಿದ್ರೂ ಬುದ್ಧಿ ಬರಲಿಲ್ಲ. ಆದರೆ ಇವರಿಬ್ಬರ ಬಗ್ಗೆ ಬಾಲಿವುಡ್‌ಗೆ ಎಲ್ಲಿಲ್ಲದ ಗೌರವ. ಹಾಗಾದರೆ ಮುಂಬರುವ ವೆಸ್ಟ್ ಇಂಡೀಸ್ ಕಪ್ ಜೊತೆ `ದುಲ್ಹೇ ಮಿಲ್‌ಗಯಾ' ಫ್ರೀ ಶೋ ನಿರೀಕ್ಷಿಸಬಹುದಾ ?

ವಾಸ್ವಾನಿ ಮೌನಂ. ಸಮ್ಮತಿ ಲಕ್ಷಣಂ.