ಬೆಂಗಳೂರು: ಜಗ್ಗೇಶ್ ತಮಗೆ ನೀಡುತ್ತಿರುವ ಉತ್ತಮ ಪೋಷಕ ನಟ ಪ್ರಶಸ್ತಿಯನ್ನು ತಿರಸ್ಕರಿಸಿದ ಬೆನ್ನ ಹಿಂದೆಯೇ ಈ ವರ್ಷದ ರಾಜ್ಯ ಚಲನಚಿತ್ರ ಪ್ರಶಸ್ತಿಯ ಬಗ್ಗೆ ಒಂದೊಂದೇ ಆರೋಪಗಳು ಕೇಳಿಬರುತ್ತಿವೆ.

ಅತ್ಯುತ್ತಮ ಚಿತ್ರ ಪ್ರಶಸ್ತಿ ಪಡೆದಿರುವ `ನಾಯಿ ನೆರಳು' ಹಾಗೂ ಕಿಶನ್‌ಗೆ ಬಾಲನಟ ಪ್ರಶಸ್ತಿ ತಂದುಕೊಟ್ಟಿರುವ `ಕೇರ್ ಆಫ್ ಫುಟ್ ಪಾತ್' ಇನ್ನು ಕೆಲವು ಚಿತ್ರಗಳು ಬಿಡುಗಡೆಯನ್ನೇ ಹೊಂದಿಲ್ಲ. ಅವು ಹೇಗೆ ಅತ್ಯುತ್ತಮ ಚಿತ್ರಗಳಾಗುವವು?

ಅತ್ಯುತ್ತಮ ಹಾಸ್ಯನಟ, ಖಳನಾಯಕ, ಕೋರಿಯೊಗ್ರಾಫರ್ ಪ್ರಶಸ್ತಿ ಈ ವರ್ಷ ನೀಡಲಾಗಿಲ್ಲ.

ಆಯ್ಕೆ ಸಮಿತಿಯು ಅಷ್ಟೂ ಚಿತ್ರವನ್ನು ವೀಕ್ಷಿಸಿ ಪ್ರಶಸ್ತಿಯನ್ನು ನೀಡಿಲ್ಲ. ಏಕೆಂದರೆ ಆಯ್ಕೆ ಸಮಿತಿ ೯ ದಿನಗಳಲ್ಲಿ ೩೫ ಚಿತ್ರಗಳನ್ನು ನೋಡಬೇಕಿತ್ತು. ದಿನಕ್ಕೆ ಮೂರು ಚಿತ್ರಗಳನ್ನು ನೋಡಿದರೂ ೨೭ ಚಿತ್ರಗಳನ್ನು ಮಾತ್ರ ವೀಕ್ಷಿಸಲು ಸಾಧ್ಯ.

`ಕಮರ್ಷಿಯಲ್ ಚಿತ್ರಗಳನ್ನು ಪರಿಗಣಿಸದೆ ಇರುವುದು ನೋವನ್ನುಂಟು ಮಾಡಿದೆ' ಎಂದಿದ್ದಾರೆ ಚಿತ್ರ ಸಾಹಿತಿ ನಾಗೇಂದ್ರಪ್ರಸಾದ್.

`ಆಯ್ಕೆ ಸಮಿತಿ ಎಲ್ಲ ಚಿತ್ರಗಳನ್ನು ವೀಕ್ಷಿಸದೆ ಪ್ರಶಸ್ತಿ ಪಟ್ಟಿ ಬಿಡುಗಡೆ ಮಾಡಿ ಸರ್ಕಾರದ ಮುಖಕ್ಕೂ ಮಸಿ ಬಳಿದಿದೆ' ಎನ್ನುವುದು ಭಾ.ಮಾ. ಹರೀಶ್ ದೂರು.

`ಆಯ್ಕೆಗಾಗಿ ನಮ್ಮೆದುರಿದ್ದ ಎಲ್ಲಾ ಚಿತ್ರಗಳನ್ನೂ ವೀಕ್ಷಿಸಿದ್ದೇವೆ. ಆಯ್ಕೆಯ ಹಿಂದೆ ಯಾವುದೇ ವೈಯಕ್ತಿಕ ಉದ್ದೇಶವಿಲ್ಲ. ವಾರ್ತಾ ಇಲಾಖೆ ನೇಮಿಸಿದ ಸದಸ್ಯರನ್ನೂ ಹಿಡಿದು ೯ ಜನ ಸದಸ್ಯರೂ ಸೇರಿ ಆಯ್ಕೆ ಮಾಡಿದ್ದೇವೆ' ಎಂದು ಟಿ. ಎನ್. ಸೀತಾರಾಮ್ ಸಮಜಾಯಿಸಿ ನೀಡಿದ್ದಾರೆ.

ಈ ಬಾರಿ ೫೦ ಜನರಿಗೆ ಮಾತ್ರ ರಾಜ್ಯೋತ್ಸವ ಪ್ರಶಸ್ತಿ

ಬೆಂಗಳೂರಿನಲ್ಲಿ ಪುರುಷರ ಫ್ಯಾಷನ್ ಶೋ

ಹಸಿರು ಚಹಾಸೇವನೆಯಿಂದ ಹೃದಯ ರಕ್ಷಣೆ

ಚಲನಚಿತ್ರ ಪ್ರಶಸ್ತಿ ಪ್ರಕಟ: ನಾಯಿ ನೆರಳು ಚಿತ್ರಕ್ಕೆ ಪ್ರಶಸ್ತಿ