ಭಾರ್ಗವ ನಿರ್ದೇಶನದ `ಗಂಡುಗಲಿ ಕುಮಾರರಾಮ' ಚಿತ್ರ ಬಿಡುಗಡೆಗೆ ಸಿದ್ಧಗೊಳ್ಳುವುದರೊಂದಿಗೆ, ಸುಮಾರು ಮೂರು ದಶಕಗಳ ನಂತರ ಕನ್ನಡ ಬೆಳ್ಳಿತೆರೆಯಲ್ಲಿ ಚಾರಿತ್ರಿಕ ಸಿನಿಮಾದ ಯುಗ ಮತ್ತೆ ಆರಂಭವಾಗಲಿದೆ. ಡಾ. ರಾಜ್‌ಕುಮಾರ್ ೨೫ ವರ್ಷಗಳ ಹಿಂದೆಯೇ ಈ ಚಿತ್ರ ಮಾಡಬೇಕಿತ್ತು. ಆದರೆ ಅದು ಸಾಧ್ಯವಾಗಲಿಲ್ಲ ಎಂದು ಹೇಳುತ್ತಾರೆ ಚಿತ್ರದ ನಿರ್ಮಾಪಕ ಎಂ.ಆರ್.ಪಟ್ಟಾಭಿರಾಮ್.

ಆಗಸ್ಟ್‌ನಲ್ಲಿ ಬಿಡುಗಡೆಯಾಗಲಿರುವ ಗಂಡುಗಲಿ ಕುಮಾರರಾಮ ಕನ್ನಡ ಚಿತ್ರರಂಗದಲ್ಲಿ ಹೊಸ ಅಲೆಯನ್ನು ಹುಟ್ಟುಹಾಕಲಿದೆ.