Downloads

Wallpapers

Vikrantakarnataka Weekly

Friday, 24 November 2006 05:34 PM

ಕನ್ನಡ ಪ್ರತಿಭೆಗಳ ಚಿತ್ರ ಬೈಟೂ!!!?

ಬೈಟೂ ಎಂಬ ಹೆಸರಿನ ತಮಿಳು ಚಿತ್ರ ಬರುತ್ತಿದೆ. ಈ ಚಿತ್ರದ ವಿಶೇಷವೆಂದರೆ ಇದರ ನಿರ್ದೇಶಕ ಲೋಕಿ, ನಾಯಕ ನಟ ಶ್ರೀನಗರ ಕಿಟ್ಟಿ, ನಾಯಕಿ ಸುನೀತಾ ವರ್ಮಾ ಕನ್ನಡದಲ್ಲಿ ಮೊದಲು ಕಾಣಿಸಿಕೊಂಡವರು.

ಲೋಕಿ ಈ ಮುಂಚೆ ಮಯೂರ್ ಪಟೇಲ್ ನಾಯಕತ್ವದ `ಗುನ್ನ' ಚಿತ್ರ ನಿರ್ದೇಶಿಸಿದ್ದರು. ಇನ್ನೂ ಶ್ರೀನಗರ ಕಿಟ್ಟಿ ಕಿರುತೆರೆಯಲ್ಲಿ ನಟಿಸಿದವ, ಜೊತೆಗೆ `ಗಿರಿ' ಚಿತ್ರದ ನಾಯಕನಾಗಿದ್ದವ. ನಾಯಕಿ ಸುನೀತಾ ವರ್ಮ `ಅಶೋಕ' ಚಿತ್ರದಲ್ಲಿ ಶಿವರಾಜ್ ಕುಮಾರ್ ಎದುರು ನಾಯಕಿಯಾಗಿದ್ದವಳು.
ವಿಭಿನ್ನ ಕಥೆ ಹಾಗೂ ಕಾಡಿನ ಪರಿಸರದಲ್ಲಿ ಪೂರ ಚಿತ್ರೀಕರಣ ನಡೆದಿದ್ದು, ಚಿತ್ರವು ಯಶಸ್ವಿಯಾಗುವ ನೀರೀಕ್ಷೆಯನ್ನು ಲೋಕಿ ಹೊಂದಿದ್ದಾರೆ.
 

ಇನ್ನೊಂದು ವಿಷಯ ಅಂದರೆ ತಮಿಳುನಾಡಿನಲ್ಲಿ ಇತ್ತೀಚಿಗೆ ಶುರುವಾದ ಸ್ವಭಾಷಾ ಹೆಸರಿನ ಚಳುವಳಿಯಿಂದ `ಬೈಟೂ' ಚಿತ್ರದ ಹೆಸರು ಬದಲಾವಣೆ ಕಂಡಿದೆ. `ಬೈಟೂ' ಹೋಗಿ `ಇರ್ವರ್ ಮಟ್ಟುಮ್' ಆಗಿದೆ. ತಮಿಳು ಭಾಷೆಯಲ್ಲದೆ ಬೇರೆ ಭಾಷೆಯ ಹೆಸರುಳ್ಳ ಚಿತ್ರಕ್ಕೆ ತೆರಿಗೆ ವಿನಾಯಿತಿ ಸಿಗುವುದಿಲ್ಲವೆಂಬ ಅಲ್ಲಿನ ಸರ್ಕಾರದ ಆದೇಶಕ್ಕೆ ಮಣಿದು ಇಂಗ್ಲೀಷ್ ಹೆಸರು ಹೊತ್ತಿದ್ದ ಎಲ್ಲಾ ಚಿತ್ರಗಳು ಬೆಳಗಾಗುವುದರೊಳಗೆ ತಮಿಳು ಹೆಸರನ್ನು ಮೆತ್ತಿಕೊಂಡಿದೆ.
 

ಬೈಟೂ ಅಲ್ಲಲ್ಲಾ `ಇರ್ವರ್ ಮಟ್ಟುಮ್' ಚಿತ್ರ ಎಲ್ಲಾ ಭಾಷೆಯಲ್ಲೂ ಬಿಡುಗಡೆಯಾಗುವ ಸಾಧ್ಯತೆಯಿದೆ. ಚಿತ್ರದ ಹೆಸರಿನ ಜೊತೆಗೆ ಕಿಟ್ಟಿ ಹೆಸರು ಅಭಯ್ ಎಂದು ಬದಲಾಗಿದೆ. ಸದ್ಯಕ್ಕೆ ತಮಿಳಿನಲ್ಲಂತೂ ತೆರೆ ಕಾಣಲಿದೆ.

ಇನ್ನಷ್ಟು

Print this page

Email this Page

ಮುಖಪುಟ