Downloads

Wallpapers

Vikrantakarnataka Weekly

Saturday, 18 November 2006 03:29 PM

`ಜೊತೆಜೊತೆಯಲಿ' ಮುಂದೆ ಐಶ್ವರ್ಯ ಹಿಂದೆ

ಬೆಂಗಳೂರು: `ಜೊತೆಜೊತೆಯಲಿ' ಚಿತ್ರದ ಸಂಗೀತವು ಎಲ್ಲಾ ಸಂಗೀತ ಮಾರಾಟಕೇಂದ್ರದಲ್ಲಿ ಅಧಿಕ ಮಾರಾಟವಾಗಿ ಅಗ್ರಸ್ಥಾನವನ್ನು ಅಲಂಕರಿಸಿದೆ. ಇಂದ್ರಜೀತ್ ಲಂಕೇಶ್ ನಿರ್ದೇಶನದ `ಐಶ್ವರ್ಯ' ಮೊದಲ ಸ್ಥಾನದಿಂದ ಕೆಳಗಿಳಿದು ಎರಡನೇ ಸ್ಥಾನಕ್ಕೆ ಇಳಿದಿದೆ.
 

`ಜೊತೆ ಜೊತೆಯಲಿ' ಚಿತ್ರಕ್ಕೆ ವಿ.ಹರಿಕೃಷ್ಣ ಅವರ ಸುಮಧುರ ಸಂಗೀತವಿದೆ. ಕೆ, ಕಲ್ಯಾಣ್ ಹಾಗೂ ವಿ.ನಾಗೇಂದ್ರ ಪ್ರಸಾದ್ ಅವರ ಸಾಹಿತ್ಯದಿಂದ ಕೂಡಿರುವ ಹಾಡುಗಳು ಯುವಪೀಳಿಗೆಗೆ ತುಂಬಾ ಮೆಚ್ಚುಗೆಯಾಗಿದೆ. ಶ್ರೇಯಾ ಗೋಸಲ್ ಹಾಡಿರುವ `ಓ. . .ಗುಣವಂತ', ಬಾಂಬೆ ಜಯಶ್ರೀ ಹಾಡಿರುವ `ಸುಮ್ಮನೆ ಸುಮ್ಮನೆ..' ಹಾಗೂ ಟೈಟಲ್ ಸಾಂಗ್ ಜನರ ಮೆಚ್ಚುಗೆ ಪಡೆದಿದೆ. ಚಾಲೆಜಿಂಗ್ ಸ್ಟಾರ್ ದರ್ಶನ್ ಸಂಸ್ಥೆಯಿಂದ ತಯಾರಾದ ಮೊದಲ ಚಿತ್ರವನ್ನು ದಿನಕರ್ ತೂಗುದೀಪ್ ಪ್ರಥಮ ನಿರ್ದೇಶಿಸಿದ್ದಾರೆ. ಈಗಾಗಲೇ ೫೦ ದಿನ ಪೂರೈಸಿ ಶತದಿನದತ್ತ ಚಿತ್ರ ಸಾಗಿದೆ.
 

ಉಳಿದಂತೆ ಐಶ್ವರ್ಯ ಚಿತ್ರದ ಕುನಾಲ್ ಗಂಜಾವಾಲಾ ಹಾಡೀರುವ `ಹುಡುಗಿ ಹುಡುಗಿ.....' `ಮನ್ಮಥಾ, ಮನ್ಮಥ' ಹಾಡುಗಳು ಯುವಕರನ್ನು ಸೆಳೆದಿದೆ. ಈ ಚಿತ್ರಕ್ಕೆ ರಾಜೇಶ್ ರಾಮನಾಥ್ ಸಂಗೀತ ನೀಡಿದ್ದಾರೆ.
 

ಮೂರನೇ ಸ್ಥಾನವನ್ನು ರಮ್ಯಾ ಹಾಗೂ ರಕ್ಷಿತಾ ಅಭಿನಯದ ಕವಿತಾ ಲಂಕೇಶ್ ನಿರ್ದೇಶನದ `ತನನಂ ತನನಂ' ಪಡೆದಿದೆ. ಪಿ.ಕಲ್ಯಾಣ್ ಅವರ ಸಾಹಿತ್ಯ ಹಾಗೂ ಸಂಗೀತದಿಂದ ಈ ಚಿತ್ರದ ಹಾಡುಗಳು ಕೂಡಿವೆ. ಈ ಚಿತ್ರದ ಟೈಟಲ್ ಟ್ರಾಕ್, `ಕಂಡೆ ಕಂಡೆ ಗೋಪಾಲನ...' ಜನರಿಗೆ ಹಿಡಿಸಿದೆ.
 

ವಿಜಯ ರಾಘವೇಂದ್ರ ಹಾಗೂ ರಮ್ಯ ಅಭಿನಯದ ಜಾನಪದ ಗೀತೆಯುಳ್ಳ `ಸೇವಂತಿ ಸೇವಂತಿ' ಚಿತ್ರ ನಾಲ್ಕನೆ ಸ್ಥಾನದಲ್ಲಿದೆ. ಈ ಚಿತ್ರಕ್ಕೆ ಎಸ್.ಎ. ರಾಜ್ ಕುಮಾರ್ ಸಂಗೀತವಿದೆ.
 

ಗುರುಕಿರಣ್ ಸಂಗೀತ ನಿರ್ದೇಶನದ ಇನ್ನೂ ಬಿಡುಗಡೆಯಾಗದ ವಿಷ್ಣುವರ್ಧನ್ ಅಭಿನಯನದ `ಏಕದಂತ' ಚಿತ್ರದ ಸಂಗೀತ ಸದ್ಯಕ್ಕೆ ಐದನೇ ಸ್ಥಾನ ಪಡೆದಿದೆ.

ಇನ್ನಷ್ಟು

Print this page

Email this Page

ಮುಖಪುಟ