Downloads

Wallpapers

Vikrantakarnataka Weekly

Saturday, 04 November 2006 01:28 PM

೧೦ ಕನ್ನಡ(?) ನಿರ್ಮಾಪಕರಿಗೆ ಬಹಿಷ್ಕಾರ

ಬೆಂಗಳೂರು: ಪರಭಾಷಾ ಚಿತ್ರಗಳನ್ನು ಕನ್ನಡಕ್ಕೆ ಡಬ್ ಮಾಡಿ ಆ ಚಿತ್ರದ ಕಲಾವಿದರ ಕಟೌಟ್‌ಗಳನ್ನು ನಿಲ್ಲಿಸುವುದಾಗಿ ಕನ್ನಡ ಚಿತ್ರಕಲಾವಿದರಿಗೆ ಬೆದರಿಕೆ ಹಾಕಿದ್ದ ನಿರ್ಮಾಪಕರ ಯಾವುದೇ ಚಿತ್ರೀಕರಣ ಚಟುವಟಿಕೆಗಳಲ್ಲಿ ಭಾಗವಹಿಸದಿರಲು `ಕರ್ನಾಟಕ ಚಲನಚಿತ್ರ ಕಾರ್ಮಿಕರ, ಕಲಾವಿದರ ಮತ್ತು ತಂತ್ರಜ್ಞರ ಒಕ್ಕೂಟ' ನಿರ್ಧರಿಸಿದೆ.
 

ಶುಕ್ರವಾರ ಕರೆದ ಪತ್ರಿಕಾಗೋಷ್ಠಿಯಲ್ಲಿ ಒಕ್ಕೂಟದ ಅಧ್ಯಕ್ಷ ಮತ್ತು ನಟ ಅಶೋಕ್ ಈ ವಿಷಯ ತಿಳಿಸಿದರು.
 

`ಡಬ್ಬಿಂಗನ್ನು ಸಮರ್ಥಿಸುವ ಕನ್ನಡ ದ್ರೋಹಿ ನಿರ್ಮಾಪಕರ ಚಿತ್ರೀಕರಣ ಚಟುವಟಿಕೆಯಲ್ಲಿ ಒಕ್ಕೂಟದ ಸದಸ್ಯರು ಯಾರೂ ಭಾಗವಹಿಸುವುದಿಲ್ಲ. ನಾವು ಡಬ್ಬಿಂಗನ್ನು ತೀವ್ರವಾಗಿ ವಿರೋಧಿಸುತ್ತೇವೆ' ಎಂದು ಅಶೋಕ್ ಹೇಳಿದರು.
 

`ಕನ್ನಡ ಕಲಾವಿದರನ್ನು ದೂರವಿಡಲು ಡಬ್ಬಿಂಗ್ ಚಿತ್ರವನ್ನು ಮಾಡುವುದಾಗಿ ತಮಗೆ ತಾವೇ ನಿಬಂಧನೆಯನ್ನು ಹಾಕಿಕೊಂಡ ಕರ್ನಾಟಕ ಚಲನಚಿತ್ರ ನಿರ್ಮಾಪಕ ಸಂಘದವರಿಗೆ ಧನ್ಯವಾದಗಳು' ಎಂದು ಅಶೋಕ್ ವ್ಯಂಗ್ಯವಾಡಿದರು.
 

ಕಲಾವಿದರ ಬಹಿಷ್ಕಾರಕ್ಕೆ ಒಳಗಾದ ನಿರ್ಮಾಪಕರು: ಮುನಿರತ್ನಂ ನಾಯ್ಡು, ಕೆ. ಮಂಜು, ಎನ್. ಕುಮಾರ್, ಸಂದೇಶ್ ನಾಗರಾಜ್, ಗಣೇಶ್, ಪ್ರವೀಣ್ ಕುಮಾರ್, ಭಾ. ಮಾ. ಹರೀಶ್, ರಾಜೇಂದ್ರ ಸಿಂಗ್ ಬಾಬು, ಮೋಹನ್, ಉಮೇಶ್ ಬಣಕಾರ್.

ಇನ್ನಷ್ಟು

Print this page

Email this Page

ಮುಖಪುಟ